დეპარტამენტი: იურიდიული დეპარტამენტი

განყოფილება: სამართალშემოქმედებისა და ევროკავშირის სამართალთან დაახლოების განყოფილება

პოზიცია: სტაჟიორი

შესარჩევი სტაჟიორის რაოდენობა: 2

ანაზღაურება: თვეში 1200 ლარი (დარიცხული)

სტაჟირების ხანგრძლივობა: 6 თვე

საქართველოს ეროვნული ბანკის შესახებ: საქართველოს ეროვნული ბანკი არის საქართველოს ცენტრალური ბანკი, ბანკთა ბანკი, საქართველოს მთავრობის ბანკირი და ფისკალური აგენტი. იგი საჯარო სამართლის იურიდიული პირია. ეროვნული ბანკი თავის საქმიანობაში ხელმძღვანელობს საქართველოს კონსტიტუციით, „საქართველოს ეროვნული ბანკის შესახებ“ საქართველოს ორგანული კანონით, საქართველოს კანონმდებლობით და ეყრდნობა საერთაშორისო საბანკო პრაქტიკაში მიღებულ წესებსა და ჩვევებს. მას უფლება აქვს, დამოუკიდებლად დადოს ხელშეკრულებები, დამოუკიდებლად შეიძინოს უძრავი და მოძრავი ქონება და ფლობდეს და განკარგავდეს მას, გამოვიდეს მოსარჩელედ და მოპასუხედ, დამოუკიდებლად შეასრულოს მისთვის დაკისრებული ფუნქციები. ამ პროცესში, იურიდიული დეპარტამენტი დამხმარე დეპარტამენტის ფუნქციას ასრულებს, რაც გულისხმობს არსებული სტრუქტურული ერთეულების სამართლებრივ მხარდაჭერას და შესაბამისად საინტერესო და დინამიურ სამუშაო გარემოს.

სტაჟირების შესახებ: იურიდიული დეპარტამენტის სამართალშემოქმედებისა და ევროკავშირის სამართალთან დაახლოების განყოფილების სტაჟიორებს შესაძლებლობა ექნებათ 6 თვის განმავლობაში შეიძინონ თეორიული ცოდნა და პრაქტიკული  გამოცდილება და იმუშაონ შემდეგ საკითხებზე:

• სამართალშემოქმედება
  • ეროვნული ბანკის კომპეტენციის სფეროში სამართლებრივი აქტების, მათ შორის, ინდივიდუალური ადმინისტრაციულ-სამართლებრივი აქტების, პროცედურებისა და პროცესების აღწერილობების პროექტების მომზადება.

• ევროკავშირის სამართალთან დაახლოების უზრუნველყოფა
  • ევროკავშირსა და საქართველოს შორის დადებულ ასოცირების შეთანხმებაში ეროვნული ბანკის კომპეტენციას მიკუთვნებულ საკითხებზე სამართლებრივი დაახლოების პროცესის მხარდაჭერის პროცესში მონაწილეობა, მათ შორის რეგულაციებთან, დირექტივებთან და გადაწყვეტილებებთან ქართული კანონმდებლობის დაახლოების ფარგლებში შესაბამისობის ცხრილების მომზადების პროცესში თარგმანების მომზადება და სხვა მოსამზადებელი სამუშაოების განხორციელება.

• საფინანსო სექტორის წარმომადგენლებისთვის, იურიდიული და ფიზიკური პირებისათვის სამართლებრივი კონსულტაციების გაწევა
  • საფინანსო სექტორის წარმომადგენლების საქმიანობის მარეგულირებელ კანონმდებლობასთან დაკავშირებით მოქალაქეებისა და იურიდიული პირებისაგან შემოსული წერილების და განცხადებების  განხილვა და პასუხების მომზადება.

საქართველოს ეროვნულ ბანკში სტაჟირების გავლის შედეგად   სტაჟიორები განივითარებენ უნარ-ჩვევებს, რომლებიც მნიშვნელოვანია სხვადასხვა სექტორში იურიდიული მიმართულებით კარიერული განვითარების თვალსაზრისით. კერძოდ:

• სამართლებრივი არგუმენტაცია;
• მოლაპარაკების უნარი;
• მაღალი სტანდარტის წერითი და პრეზენტაციის უნარ-ჩვევები.

სტაჟირების განმავლობაში მონაწილეებს შესაძლებლობა ექნებათ:

• გაეცნონ სტრუქტურული ერთეულისა და მთლიანად, ცენტრალური ბანკის სპეციფიკას;
• გაეცნონ სამსახურებრივ დოკუმენტაციას, ისარგებლონ სათანადო ინფორმაციით (ელექტრონული საშუალებებითა და სხვა), რომელიც საჭიროა სტაჟირების პერიოდში მენტორის მიერ განსაზღვრული დავალებების შესასრულებლად;
• დაესწრონ სემინარებისა და ტრენინგების სერიებს;
• გახდნენ დინამიური სწავლების გარემოს თანამონაწილე, რომლის ფარგლებში ითანამშრომლებენ ეროვნული ბანკის იურიდიული დეპარტამენტის თანამშრომლებთან და ასევე სხვა დეპარტამენტებთან, რომელთა სამართლებრივი მხარდაჭერა წარმოადგენს იურიდიული დეპარტამენტის ფუნქციას.

მოთხოვნები:

• განათლება: იურიდიული/სამართლის ბაკალავრიატის დამამთავრებელი კურსის სტუდენტი ან კურსდამთავრებული;
• კანდიდატი უნდა ფლობდეს სამართლის შესახებ თეორიულ ცოდნას და გავლილი უნდა ჰქონდეს შესაბამისი სასწავლო საგნები;
• უცხო ენა: ინგლისური B2;
• კომპიუტერული პროგრამები: MS Word; MS Excel; MS Outlook; MS PowerPoint.

კომპეტენციები და უნარები:

• კრიტიკული აზროვნება;
• განსხვავებული ტიპის დავალებების სწრაფად შესრულების უნარი;
• კომუნიკაციისა და წერის უნარები.

საკანონმდებლო ბაზა:

• „საქართველოს ეროვნული ბანკის შესახებ“ საქართველოს ორგანული კანონი;
• „კომერციული ბანკების საქმიანობის შესახებ“ საქართველოს კანონი;
• საქართველოს ზოგადი ადმინისტრაციული კოდექსი;
• საქართველოს სამოქალაქო კოდექსი.

სტაჟიორის შერჩევის პროცესი:

პირველი ეტაპი:

• განაცხადების შეფასება და განაცხადით განსაზღვრულ ფორმალურ მოთხოვნებთან შესაბამისობის დადგენა;

მეორე ეტაპი:

• წერითი დავალება, მისი განხილვა და შეფასება ეროვნული ბანკის მიერ;

წერითი დავალების თემატიკა: ცენტრალური ბანკის მანდატი „საქართველოს ეროვნული ბანკის შესახებ“ საქართველოს ორგანული კანონის მიხედვით და „კომერციული ბანკების საქმიანობის შესახებ“ საქართველოს კანონი.

მესამე ეტაპი

• გასაუბრება კანდიდატებთან, რომლებიც წარმატებით გადალახავენ შერჩევის მეორე ეტაპს.

შენიშვნა: სტაჟირების მაქსიმალური ვადაა 6 თვე.

კანდიდატი, რომელიც სტაჟიორად 3 თვეზე მეტი ვადით ინიშნება, „საქართველოს ეროვნული ბანკის თანამშრომლის და თანამშრომლად მისაღები პირის შესახებ დამატებითი ინფორმაციის შესწავლის წესის“ შესაბამისად საქართველოს ეროვნული ბანკის უფლებამოსილ პირთან გადის გასაუბრებას და ავსებს კითხვარს.

სტაჟირების კონკურსში მონაწილეობის მისაღებად დაინტერესებულმა კანდიდატებმა 2025 წლის  11 მაისის ჩათვლით ელ-ფოსტაზე  Internship@nbg.gov.ge უნდა გამოაგზავნონ: 

• რეზიუმე (CV)

რეზიუმეს გამოგზავნისას სათაურის ველში მიუთითეთ შემდეგი ტექსტი „სტაჟირება - იურიდიული დეპარტამენტის  სამართალშემოქმედებისა და ევროკავშირის სამართალთან დაახლოების განყოფილებაში“

შერჩეული კანდიდატი ვალდებულია შერჩევიდან არაუმეტეს 5 სამუშაო დღის ვადაში ეროვნულ ბანკში  წარმოადგინოს შემდეგი დოკუმენტები:

1. პირადობის დამადასტურებელი მოწმობის ასლი;
2. უმაღლესი განათლების დამადასტურებელი  დოკუმენტი ან ცნობა უმაღლესი საგანმანათლებლო დაწესებულებიდან;
3. ერთი ელექტრონული ფოტო.

გაცნობებთ, რომ თქვენს მიერ გადმოგზავნილი პერსონალური მონაცემები ეროვნული ბანკის მიერ დამუშავდება „პერსონალურ მონაცემთა დაცვის შესახებ“ საქართველოს კანონის შესაბამისად.